ته‌خریجی ئه‌سه‌ری فیڕاسه‌تی ئیمامی عوسمان

ته‌خریجی ئه‌سه‌ری فیڕاسه‌تی ئیمامی عوسمان
نوسینی: باوكی غه‌زالی
_________________________
ئه‌گێڕنه‌وه‌ كه‌وا گه‌وره‌مان ئه‌نه‌سی كوڕی مالیك له‌ ڕێگادا به‌ ئافره‌تێك ئه‌گات و تووشی نه‌زه‌ڕێك ئه‌بێ, دواتر ئه‌چێته‌ لاى ئیمامی عوسمان ڕه‌زاى خوایان لێ بێ, حه‌زره‌تی عوسمانیش سه‌یرى ئه‌كات و ئه‌فه‌رمووێ: یه‌كێ له‌ ئێوه‌ دێته‌ لاى من و شوێنه‌واری زینا به‌سه‌رو چاویه‌وه‌ دیاره‌, ئه‌نه‌سیش گوتی: ئایه‌ ئه‌وه‌ وه‌حیه‌ له‌دواى پێغه‌مبه‌رى خوا ـ صلى الله علیه‌ وسلم؟ حه‌زره‌تی عوسمانیش فه‌رمووی: نه‌خێر, به‌ڵكوو وته‌یه‌كی حه‌قه‌و فیڕاسه‌تێكی ڕاسته‌

ئیمامی موحیببی ته‌به‌ڕی له‌ (الریاض النضرة)(ب1/ل40) ط. دار الكتب العلمية. وه‌ ئیمامی ڕازی له‌ (التفسیر الكبیر) ئایه‌تی 9 له‌ سوڕه‌تی الكهف. وه‌ ئیبن ولقه‌یم له‌ (مدارج السالكین)(ب2/ل486) ط. دار الكتب العربی ـ بیروت الطبعة الثانیة 1393ـ1973, بتحقیق محمد حامد الفقی). وه‌ له‌ (طرق الحكمیة لإبن القیم)(ل43) طبعة مطبعة المدني ـ القاهرة بتحقیق الدكتور محمد جمیل غازي). هێناویانه‌. وه‌ حافیزی مونناویش باسی كردووه‌ له‌ (فیض القدیر)(ب1/ل142) طبعة المكتبة التجاریة الكبری ـ مصر طبعة الاولی 1356. وه‌ مه‌لا عه‌لی قاریش له‌ (شرح مسند أبي حنیفة)(ب1/ل566), وه‌ زۆرێكی تریش له‌ زاناكان له‌ كتێبه‌كانی خۆیان هێناویانه‌و ئه‌سه‌رێكی مه‌شهووره‌. به‌ڵام له‌ڕووی سه‌نه‌ده‌وه‌ به‌شوێنیدا گه‌ڕام نه‌مدۆزییه‌وه‌، پێمان وایه‌ هه‌موویان له‌ موحیببی ته‌به‌ڕییان وه‌رگرتووه‌، موحیببی ته‌به‌ڕیش به‌بێ سه‌نه‌د به‌ سیغه‌ی ته‌مڕیز به‌شاردنه‌وه‌ی ناوی ئه‌و پیاوه‌ی كه‌ چووه‌ته‌ لای ئیمامی عوسمان ڕیوایه‌تی كردووه‌. به‌ڵام نه‌یسابووری له‌ ته‌فسیره‌كه‌ی خۆی ناوی پیاوه‌كه‌ی هێناوه‌ كه‌ ئه‌نه‌سی كوڕی مالیكه‌ ڕه‌زای خوای لێ بێ.