شێوه‌ی شه‌یتانی

له‌ سه‌عله‌به‌ى خه‌شه‌نیه‌وه‌ ڕیوایه‌ت كراوه‌ كه‌وا فه‌رموویه‌تی: "له‌ خواى گه‌وره‌م داواكرد كه‌ شوێنی شه‌یتانم له‌ جه‌سته‌ى مرۆڤدا پێ نیشان بدات, بینیم ده‌سته‌كانى له‌ نێو ده‌سته‌كانى مرۆڤه‌كه‌ بوو, وه‌ پێكانیشی له‌ناو پێیه‌كانى بوو, وه‌ جه‌سته‌شی دوور بوو له‌ مرۆڤه‌كه‌ (واته‌: بۆشاییه‌ك هه‌بووه‌ له‌ نێوان ئه‌و و مرۆڤه‌كه‌), ته‌نیا ئه‌وه‌ نه‌بێ لووتێكی هه‌بوو وه‌كوو لووتی سه‌گ, جا ئه‌گه‌ر زیكرو یادی خواى گه‌وره‌ى بكردایه‌ ئه‌وه‌ لووتی لائه‌داو دوور ده‌كه‌وته‌وه‌, وه‌ ئه‌گه‌ر بێ ده‌نگیش بایه‌ له‌ زیكری خواى گه‌وره‌ ئه‌وه‌ دڵی ئه‌گرت"[1].

   وه‌ هه‌روه‌ها ئیمامی به‌غه‌وی ده‌فه‌رمووێ: "قه‌تاده‌ ده‌فه‌رمووێ: خه‌نناس (مه‌به‌ستی شه‌یتانه‌كه‌یه‌) لوتێكی هه‌یه‌ وه‌كوو لوتی سه‌گ و له‌ نێو سینگی مرۆڤدایه‌"[2].

   وه‌ ئیمامی شه‌وكانیش ده‌فه‌رمووێ: "موقاتیل ده‌فه‌رمووێ: بێگومان شه‌یتان له‌ شێوه‌ى به‌راز له‌ نێو ده‌ماره‌كانى مرۆڤ هاتووچۆ ده‌كات وه‌كوو هاتووچۆ كردنی خوێن, ئیتر خواى گه‌وره‌ به‌و شێوازه‌ زاڵی كردووه‌, جا وه‌سوه‌سه‌كه‌ى ئه‌وه‌ بانگ كردنه‌ بۆ گوێڕایه‌ڵی كردنی به‌ وته‌یه‌كی شاراوه‌ كه‌ ئه‌گاته‌ دڵ به‌بێ گوێبیست بوونی ده‌نگ"[3].

_____________________________________
[1] برِوانە: (التعري الشيطاني للمؤلف عدنان الطرشة)(ل19) طبعة مكتبة العبيكان. وە (حقيقة الجن والشياطين)(ل101).

[2] برِوانة: (تفسير البغوي)(ب8/ل597) طبعة دار طيبة.

[3] برِوانة: (تفسير فتح القدير)(ب5/ل643) طبعة دار الكلم الطيب.