????????????????زەکات????????????????

🦙زەکات

زەکات ڕوکنی ئیسلامەتیە؟

بەڵێ زەکات ڕوکنی سێیەمی ئیسلامەتیە.

کەی واجب کرا؟

لە مانگی شەووال، لە ساڵی دووەمی کۆچی.

زەکات چییە؟
نەختێک ماڵی خۆی بداتە موسڵمانێکی تر.

جا هەرکەسێ بڵێ: زەکات واجب نیە، کافر دەبێ، (یان بەگاڵتەوە یان بەتوڕەییەوە بڵێتن: خاوە وەرگرتنە ئەمەش پێی کافر دەبێ)[١].

وە ئەو کەسەی زەکات نەدا، ئەبێ گەورەی موسڵمانان بە زۆر لێی وەربگرێ، جا ئەگەر هەر نەیدا، جەنگی لەگەڵ ئەکرێ. خوای گەورە دەفەرمووێ: [وأقیموا الصلاة وآتوا الزكاة] نوێژ بەهەموو واجبێکەوە ئەنجام بدەن و، زەکاتیش بدەن. هەروەها لە (عبد اللە کوڕی عەبباسەوە ڕەزای خوایان لێ بێ گێڕدراوەتەوە کەوا پێغەمبەر صلی اللە علیە وسلم کاتێ موعازی ناردە یەمەن پێی فەرموو: خوای گەورە زەکاتی لەسەر دەوڵەمەندەکانیان واجب کردووە، لێیان وەرئەگیرێ و، ئەدرێتە هەژارەکانیان) بوخاری وموسلیم ڕیوایەتیان کردووە.

ئیمامی هەرتەلی
ڕوژی پڕشنگدار(١٠٤)
ــــــــــــــــــــــــــــــ
[١] ئەوەی ناو کەوانەکە ڕوونکردنەوەی باوکی غەزالیە. ئەم نوسراوە بەکەمێک پاش و پێشەوە، وە دەستکاریەکی زۆر کەمەوە هێناومانە.