هەندێ زانیاری گرینگ لەسەر زەکاتدان

هەندێ زانیاری گرینگ لەسەر زەکاتدان

١. نیەت هێنان واجبە بۆ زەکاتدان، پێغەمبەر صلی اللە علیە وسلم فەرموویەتی: (انما الأعمال بالنیات) بوخاری و موسلیم ڕیوایەتیان کردووە. واتە: هەر کردەوەیەکی خواپەرستی بێ، بەنیازی ناو دڵ نەبێ دانامەزرێ.

ئینجا لە کاتی زەکاتدان، یان لە کاتی وەکیل گرتن، یان لە کاتی دیاری کردنی ئەندازەی زەکات، بە دڵ🫀 بڵێ: ئەوە زەکاتە.

۲. دروستە پێش تەواو بوونی ساڵ زەکاتەکەی بدا، بەو مەرجەی ماڵەکە گەیشتبێتە ڕادەی زەکات، زەکات وەرگرەکەش تا کۆتایی ساڵ زەکاتی پێ بچێ و، هەر موسڵمان بێ و، هەر زیندوو بێ (ئیمامی عەبباس ڕەزای خوای لێ بێ پرسیاری لە پێغەمبەر صلی اللە علیە وسلم کرد: ئایە دروستە زەکاتەکەم پێش بخەم پێش ئەوەی ساڵ تەواو ببێ؟ پێغەمبەر صلی اللە علیە وسلم ڕێگەی دایێ کە پێشی بێخێ). ترمذی و غەیری ئەویش ڕیوایەتیان کردووە

ئیمامی هەرتەلی
ڕۆژی پڕشنگدار (١١٦)