زەکات بە کێ دەدرێ؟

زەکات بە کێ دەدرێ؟

زەکات بە هەشت چینە خەڵک دەدرێ:

١. هەژار (فەقیر): کەسێکە ئەوەندە ماڵی نەبێ و، کارێکی وەهاشی پێ نەکرێ: کە جێگای نیوەی پێویستیەکانی ژیانی بۆ پڕ بکاتەوە، بۆ وێنە: پێویستی بەسەد دینار هەبێ، بەڵام ئەو تەنها سی دینار، یان دیناری دەست بکەوێ.

۲. گەدا (میسکین): کەسێکە ماڵی هەبێ، یان بتوانێ کارێکی وەها بکا: کە جێگای پێویستیەکانی ژیانی لە نیوەی زیاتر بۆ پڕ بکاتەوە، بەڵام بەشی نەکا، واتە: پێویستی بە سەد دینار هەبێ، بەڵام ئەو تەنها حەفتا یان هەشتا دیناری دەست بکەوێ.

ئینجا بزانە:

ئەگەر هاتوو ئەیتوانی کار بکات، بەڵام لەبەر خوێندن ڕێگەی نەبوو کار بکات، یان کاری حەڵاڵی دەست نەئەکەوت، یان نە ئەگونجا خۆی ئاشکرا بکات و کار بکات، ئەوانە گشتیان بە گەدا، یان بە هەژار دادەنرێن.

هەروەها ئەگەر کەسێک پێویستی بە ژن هێنان هەبوو، بۆی دروستە بە ئەندازەی ئەرکی ژن هێنان زەکات وەربگرێ.

ئاگاداری:

هەرکەسێک لەلایەن دایک و باوکی، یان لەلایەن منداڵەکانی بەخێو بکرێ و، پێویستیەکانی ژیانی بۆ دابین بکرێن، ئەوە نە بەگەدا و، نە بە هەژاریش ناژمێردرێ، هەرچەندە هیچیشی نەبێ.

هەروەها ئەو کەسەی بەناوی خواپەرستی واز لە ئیش و کار ئەهێنێ، هەم ئەو ژنەی لە مێردەکەی تۆراوە، ئەوانەش بە گەدا و هەژار ناژمێردرێن و، نابێ زەکات وەربگرن.

بەشەکانی تری ماوە چاوەڕێ بن ان شاء اللە.

ئیمامی هەرتەلی
ڕۆژی پڕشنگدار(١١٩)