جۆرەکانی موجتەهید

دکتۆر صباح بەرزنجی مامۆستای مودەڕڕیس و پێنجوێنی و قەرەداغی و نۆدشێی خستووەتە ناو بازنەی چوارەم کە موجتەهیدی تەڕجیحدان. ئەمەش بۆچوونی بەڕێزیانە ڕەنگە لەڕوانگەی کەسێکی ترەوە وانەبێ بۆ هەموو ئەو نموونانەی کە بەڕێزیان زیکری کردووە لەناو سێ ئیجتیهادەکەی تردا جیا لەهی یەکەم چونکە ئوممەت یەک دەنگن لەسەر ئەو ناوانەی لە یەکەم زیکر کراون کە ئەمانە موجتەهیدی موتەڵەقن.

لێرەدا مەبەستم ئەوەیە ئەو ناوانەی کە بەڕێزیان زیکری کردووە قسەی سەددەرسەد نین، ئەمنیش دەتوانم بڵێم مامۆستای هەرتەلی موجتەهیدی تەڕجیح بوو لەکاتێکدا خۆی نەفی دەکرد کە نەخۆیی و نە مامۆستای مودەڕڕیسیش بەڕەحمەت بن کە موجتەهید بن بەڵکوو هەموو موقەللیدین. ئەو وتەی مامۆستای هەرتەلیش لەچوارچێوەی خۆی فەرموویەتی ڕەنگە لای زانایانی تر وا نەبێ، ئیتر کارەکە فراوانی تێدایە واللە اعلم